T’i themi gjërta më qartë.
Këtu nuk është një dreq, por janë disa!
Kur kërkoja listë të përbashkët për zgjedhjet parlamentare të bazuar në parime, hasa në kundërshtime të ashpra, madje u ballafaqova edhe me shumë etiketime, por ska gjë, pavarësisht të gjithave, rëndësi ka që gjërat të thuhen drejtë.
Shumica e Qytetarëve shqiptarë në Luginë të Preshevës i bojkotuan këto zgjedhje, pikë.
Arsyetimet, alibitë dhe hedhja e fajit herë andej e herë këndej është tendencë për mos pranimin e dështimit. Realisht asnjëherë deputetët nuk kanë qenë legjitim, sepse kanë shkuar me mbushje të kutisë përmes vjedhjes dhe pazareve. A ju kujtohet sa vota i pati marur në vendbanimet shqiptare Partia Progresiste Serbe në zgjedhjet parlamentare të vitit 2014?!
Ripërsëritja e zgjedhjeve në vendvotimin numër 6 në Tërrnoc, e ka treguar fytyrën e vërtetë të koalicionit të brishtë i cili qeverisë me Komunën e Bujanocit.
Kur të gjithë liderët shqiptarë në rajon, bënin thirrje për mobilizim dhe dalje masive në zgjedhje, për çudi, partnerët e koalicionit lokal dhe parlamentar heshtën!
Dreqërit janë në mesin tuaj, vet i keni krijuar, ushqyer dhe rritur.
Arbër Pajaziti, kryetar i APN, Bujanoc
