Nesër (e premte 14 janar) me fillim prej orës 15 do të mbahet seanca e Shtabit të Krizave në luftën kundër koronavirusit, ndërsa përveç vendimit për shkollat, pavarësisht se kemi një numër rekord të të infektuarve me Covid-19, anëtarët janë skeptikë për miratimin e masave të reja më të rrepta.
Siç mësohet në Shtabin e Krizave, pjesa mjekësore do të kërkojë sërish që fletlëshimet e Covidit të jenë të detyrueshme 24 orë në ambientet e hotelierisë, shkurtimi i orarit të punës dhe reduktimi i numrit të personave të lejuar në hapsirat e mbyllura.
Megjithatë, përpos që do të merret një vendim për shkollat, ata janë skeptikë se do të vendoset diçka tjetër.
“Me shumë mundësi do të merret vendimi që gjysëmvjetori i dytë të fillojë kur është planifikuar, më datën 24 janar, pra pushimet nuk do të zgjaten.
Me qëllim që nxënësit deri në klasën e pestë do të kishin mësim të kombinuar, ndërsa pjesa tjetër dhe nxënësit e shkollave të mesme online” kanë thënë burimet nga Shtabi i Krizave.
Në seancë do të analizohet fillimisht situata epidemiologjike, e cila nuk ka qenë aspak e mirë që nga fillimi i vitit. Turmat janë të mëdha brenda dhe para klinikave të COVID-19 dhe numri i transporteve drejt spitaleve të pacientëve me COVID po rritet ngadalë. Këtë e tregojnë raportet e Ambulancës së ndihmës së shpejtë për transportin ndërklinik./LajmiAL/
