Zgjedhjet në Serbi ka shumë të ngjarë të mbahen njëkohësisht në të gjitha nivelet, nga 20 marsi deri më 3 prill të vitit të ardshhëm.
Kështu mund të dëgjohej dje në raundin e dhjetë të dialogut ndërpartiak, në të cilin mori pjesë edhe Presidenti i Serbisë, Aleksandar Vuçiq, shkruan B92.
Ky takim ishte i rëndësishëm sepse është një lloj përmbledhje e nëntë takimeve të mëparshme, dhe bazuar në deklaratat e pjesëmarrësve në dialogun e deritanishëm, shumica e njerëzve folën për përfaqësimin në media, por edhe për ndryshimin e procesit zgjedhor gjatë ditës së zgjedhjeve.
Një burim i gazetës Blic që mori pjesë në takim thotë se biseda u zhvillua në një atmosferë konstruktive dhe se u shpreh vullneti për të përmbushur kërkesat e opozitës.
“Bazuar në gjithçka që është thënë, duket se qeveria është gati të bëjë lëshime për gjithçka që mund të dëgjohej deri më tani, përfshirë marrëveshjen për regjistrimin e popullsisë.
U tha se zgjedhjet në të gjitha nivelet duhet të mbahen në të njëjtën kohë, në periudhën nga 20 marsi deri më 3 prill.
Ne gjithashtu prekëm temën e financimit të fushatës, dhe se është e vështirë të mbash shënim kostot me sistemin aktual të financimit, pasi 20 përqind e fondeve të planifikuara buxhetore shpërndahen në mënyrë të barabartë në parashtruesit e listave të votuara, dhe pastaj pjesa e mbetur prej 80 përqind për ata që kaluan pragun, në përpjesëtim me mandatet. U tha që kjo përqindje duhet të zhvendoset, që dorëzuesit e listave të deklaruara do të merrnin më shumë para”, ka thënë burimi kazetës Blic, transmeton LajmiAL.
Sipas bashkëbiseduesit, në këtë takim është folur edhe për shkurtimin e fushatës funksionare, por edhe për gjëra specifike në lidhje me ditën e zgjedhjeve.
“Duhet të mbahet një trajnim i përbashkët i vëzhguesve të zgjedhjeve, dhe përveç noterëve, edhe vërtetuesit komunal do të jenë në gjendje të verifikojnë nënshkrimet e mbledhura. Sasha Raduloviç nga lëvizja DJB kërkoi që lista zgjedhore të jetë e ngjashme me listën e MPB-së, dhe në parim ashtu mbeti se mund të jetë e aplikueshme.
Gjithashtu u insistua që t’i kushtohet vëmendje parregullsive rreth listave të pakicave “, ka thënë burimi i kazetës Blic nga ky takim.
