People Power Under Attack 2025. Ky është raporti kryesor i CIVICUS Monitor që paraqet gjendjen e lirive qytetare të shprehjes, organizimit dhe tubimit në 198 vende dhe territore në mbarë botën.
Gjetjet kryesore për Serbinë:
- Serbia u ul në vlerësim nga “E Penguar” në “E Shtypur”, me liritë themelore në krizë pasi autoritetet shtypin protestat e vazhdueshme.
- Protestuesit përballen me dhunë nga policia dhe grupe të lidhura me partinë në pushtet, ndalime masive dhe frikësime.
- Kërcënimi ndaj tubimeve paqësore pritet të përkeqësohet. Një propozim për ndryshim të Kodit Penal do ta klasifikonte çdo bllokim rruge si vepër penale. Liria e shprehjes është gjithashtu nën sulm të vazhdueshëm.
Gjetjet globale përfshijnë:
- Në 83 vende dhe territore njerëzve u mohohen rregullisht liritë e tyre, krahasuar me 67 në vitin 2020.
- Numri i njerëzve që jetojnë në vende me hapësirë të lirë qytetare ka rënë nga gati 13% në vitin 2020 në vetëm pak mbi 7% sot.
- 15 vende pësuan ulje vlerësimi, duke përfshirë Shtetet e Bashkuara dhe disa shtete anëtare të Bashkimit Europian: Francën, Gjermaninë dhe Italinë. Të tjera vende të ulura në vlerësim janë Gjeorgjia, Izraeli, El Salvadori, Argjentina, Sudani, Burundi, Madagaskari, Liberia, Omani, Serbia dhe Zvicra.
- Tre vende panë përmirësim të vlerësimit: Gaboni, Mauritania dhe Senegali.
- Gjatë vitit të kaluar, u dokumentuan 3120 shkelje të lirive qytetare në mbarë botën.
- Ndalimi është taktika kryesore e raportuar e shtypjes. Protestues u ndaluan në të paktën 82 vende, gazetarë në 73 vende dhe mbrojtës të të drejtave të njeriut në 71 vende.
- Liria e shprehjes është e drejta më e shkelur (44.8% e të gjitha incidenteve), e ndjekur nga liria e tubimit paqësor (29%) dhe liria e organizimit (26.6%).
