Kryetari i komunës së Bujanocit Arbër Pajaziti përmes rrjetit të tij social ka bërë të ditur se disa rrugë në qytetin e Buajnocit tashmë janë njëkahore, ndërsa disa kanë ndryshuar kahjen, kjo sipas tijë për qarkullim më të mire.
Ngasës të automjeteve tash duhet të keni kujdes dhe ti përcillni mirë shenjat e komunikacionit, për të mos marrë ndonjë gjobë nga policia, sidomos në rrugët të cilat kanë ndryshuar kahje.
Postimi i plotë i Pajazitit
“Rrugë njëkahore në qytet për qarkullim më të mirë
Këtyre ditëve kemi vendosur shenjat e rrugëve njëkahore në qytetin e Bujanocit, me qëllim që të lehtësojmë qarkullimin e komunikacionit dhe të rrisim sigurinë për të gjithë pjesëmarrësit.
Falënderojmë qytetarët për mirëkuptimin dhe bashkëpunimin në zbatimin e këtyre ndryshimeve.
Në ditët në vijim do të vazhdojnë punimet edhe në sinjalizimin horizontal, për ta bërë qarkullimin sa më të qartë dhe të sigurt për të gjithë”.
