Ministria e Arsimit sot ka formuar Grupin Punues për parandalimin e dhunës në sistemin e arsimit dhe edukimit, njoftoi Sindikata SPRS-së, e përfaqësuar nga Jelena Tomiq, koordinatore e Ekipit Ligjor.
Grupi u formua me iniciativën e ministrit të Arsimit, Branko Ruzhiç, pas valës së fundit të dhunës në shkollat serbe.
“Përveç përfaqësuesve të sindikatave, Shoqatës së Drejtorëve dhe ministrive të ndryshme të Qeverisë së Serbisë, grupi përfshin edhe ekspertë në fushën e psikologjisë dhe sigurisë. Në mbledhjen e sotme u diskutua për ndryshimin e akteve nënligjore që kanë të bëjnë me dhunën, abuzimin dhe neglizhencën në institucionet arsimore.
Është hartuar plani i punës që deri më 20 dhjetor të këtij viti të ndryshohet rregullorja, që është kërkesë e vetë ministrit të Arsimit – njofton USPRS.
Sindikata SPRS është e mendimit se duhet diskutuar konkretisht për shkurtimin e procedurave në procedurën disiplinore arsimore, që nota në SJELLJE të pranohet si notë për moskalimin në klasën tjetër dhe mbi të gjitha për kthimin te psikologu, pedagogu, sekretari, logopedi në shkolla me kapacitet të plotë dhe futjen e punonjësve socialë dhe pedagogëve specialë.
Ajo që ne insistojmë është një bashkëpunim më i mirë në mes të shkollave dhe institucioneve të tjera relevante nga kujdesi social dhe shëndetësor, që do t’i ofronte shkollës asistencën adekuate.
Mbledhja e radhës do të mbahet pasi të jenë mbledhur propozimet dhe ju ftojmë t’i dërgoni në zyrën e postës elektronike të zyrës kancelarusprs@gmail.com.
