Me punën e përbashkët të doganës dhe policisë në pikën kufitare të Preshevës të mërkurën më 9 shkurt është penguar tentimi për kontrabandim të orës luksoze “Patek Philip” vlera e së cilës llogaritet në 115.000 euro, për këtë arsye edhe vetura Porsche në të cilën ka mbërritur pasagjeri në këtë vendkalim.
Kjo e çoi vlerën e përgjithshme të shkeljes së konstatuar në gati 30 milionë dinarë, thuhet në komunikatën e Administratës doganore të Serbisë.
Kjo tentativë e pazakontë për kontrabandë është zbuluar kur në orët e para të mëngjesit në dalje të pikës kufitare të Preshevës ka mbërritur një “Porsche” me targa gjermane, e drejtuar nga shtetas i Maqedonisë.
Ai ka udhëtuar në shoqërinë e njërit prej shoqëruesve dhe të pyetur nëse kanë ndonjë gjë për të denoncuar për kontroll doganor, të dy janë përgjigjur negativisht. Megjithatë, shqyrtimi i detajuar për të cilin ata u veçuan, i mohoi pretendimet e tyre.
Konkretisht, në dorën e majtë dhe të djathtë të drejtuesit të mjetit janë gjetur dy ora të çmuara, “Patek Philippe – Nautilus Herren 5980 / 1R” dhe “Rolex GMT Master II 40mm”, për të cilat pasagjeri nuk ka pasur asnjë dokumentacion shoqërues, edhe pse bëhet fjalë për mallra me vlerë të madhe.
Meqënëse nuk ka bërë regjistrimin e mallit në hyrje të Republikës së Serbisë, ora e dorës “patek filip” vlera e së cilës llogaritet në 115.000 euro i është ndaluar përkohësisht dhe meqë vlera e mallit kalon një të tretën e vlerës së mjeteve të transportit të përdorur për transportin e mallit, makina “Porsche 911 Carrera 4S” është konfiskuar përkohësisht.
Pas procedurës gjyqësore e cila është zhvilluar sipas procedurës së përshpejtuar për shkak se është shtetas i huaj, gjykata për kundërvajtje në Preshevë ka nxjerrë aktgjykim të shkallës së parë me të cilin është shqiptuar gjobë prej 150.000 dinarë dhe masë mbrojtëse konfiskimi i mallit (ora dore “patek filip” dhe mjetet e transportit).’911 Porsche Karriera’).
Nëse edhe pas procedurës së ankimimit nuk ndryshohet vendimi i gjykatës, ora dhe vetura e sekuestruar në kundërshtim me shkeljen do të ekspozohen në shitje publike në Doganën e Nishit./LajmiAL/
