Me ftesë të kryetarit të Gjilanit Lutfi Haziri, zv kryetari i komunës së Bujanocit Shqiprim Musliu ka marrë pjesë në ceremoninë e shpalljes “Qytetar nderi i Gjilanit” shqiptarin e madh z.Marin Mema.
Postimi i zv Kryetarit të komunës së Bujanocit
Gjatë fjalës sime, pasi përshëndeta të pranishmit dhe në veçanti z.Hazirin për kontributin e tij në mbështetje të shqiptarëve të Kosovës Lindore, theksova se Gjilani në vazhdimësi ka qenë në krahë të shqiptarëve të vendit tonë, dhe këtë e ka dëshmuar z.Haziri gjatë gjithë kohës.
Gjithashtu theksova se sot Kosova është e lirë dhe duhet të ndjehet krenar që nëpërmjet aktiviteteve të tilla po vlerëson e po motivon njerëz që po lejnë gjurmë në historinë bashkëkohore të shqiptarëve, që një gjë të tillë ne në Kosovën Lindore nuk po e gëzojmë, ku të pranishmëve i përkujtova se para disa muajve Kuvendi i Bujanocit e vlerësoi me “Qytetar Nderi” ish Ministrin e Jashtëm të Shqipërisë z.Gent Cakaj, por që një vendim të tillë Beogradi zyrtar e hedhi poshtë. Por pavarësisht të gjithave, ne do të vazhdojmë me përpjekjen tonë prej dekadash për të drejtat tona njerëzore e kombëtare.
Krenar me Gjilanin dhe udhëheqësin e saj z.Lutfi Haziri.
