Sa trupa ruse janë të vendosura në kufijtë e Ukrainës?
Rusia ka grumbulluar trupa në pozicione të ndryshme përgjatë kufijve të Ukrainës, por të dish saktësisht se sa janë atje është e vështirë.
Zyrtarët perëndimorë javën e kaluar thanë se numri kishte arritur në 130,000 – nga vlerësimi i tyre i mëparshëm prej 100,000. Por në një fjalim të martën, presidenti i SHBA Joe Biden e vuri shifrën edhe më të lartë, në 150,000, shkruan BBC.
Ndërsa Rusia thotë se ka filluar të tërheqë trupat, duke përfshirë përfundimin e stërvitjeve ushtarake në Krime, ajo nuk ka dhënë asnjë numër.
Ne i dimë vendndodhjet ku janë vendosur trupat dhe se njësitë që mbërrijnë nga e gjithë Rusia i janë shtuar rreth 35,000 personelit ushtarak, të cilët ishin të vendosur përgjithmonë pranë kufirit të Ukrainës.
Dislokimet e reja përfshijnë rreth 30,000 trupa në Bjellorusi, ku stërvitjet e përbashkëta ushtarake janë planifikuar të zhvillohen deri më 20 shkurt.
Ne nuk kemi parë tërheqje ruse – shefi i NATO-s
Kemi disa të tjera nga Jens Stoltenberg, sekretari i përgjithshëm i NATO-s, i cili thotë se nuk është parë ndonjë de-përshkallëzimi në terren, pasi Rusia tha se po tërhiqte disa nga trupat e saj nga kufiri ukrainas.
“Përkundrazi, duket se Rusia vazhdon ngritjen ushtarake,” thotë ai.
Ai shton se “nuk kemi parë ndonjë tërheqje të forcave ruse”, dhe “kjo bie ndesh me mesazhin e përpjekjeve diplomatike” nga Moska.
