Në veri të Shibenikut pasditen e sotme ka shpërthyer një zjarr, i cili është bartur nga një erë e fortë dhe është përshkallëzuar me shpejtësi, kështu që tani më shumë se 100 zjarrfikës me rreth 40 automjete dhe 2 kanardë po e shuajnë zjarrin nga disa drejtime.
Përmasat e zjarrit, i cili dogji edhe disa ndërtesa, tregohet edhe nga pamjet satelitore.
Gjegjësisht, reja e tymit është e dukshme edhe nga hapësira në satelitët meteorologjikë.
“Njerëzit po tentojnë të ikin me vetura, një pjesë e popullatës është dashur të evakuohet, por nuk ka mundur. Është kaos, njerëzit po qajnë rrugës, më e keqja është drejt Raslinës. Kemi çmenduri zjarri, po digjet në disa fronte. dhe ne nuk dimë se ku të shkojmë së pari – tha Darko Dukiq për ShibenikIN.
