Pasi Rumania u godit nga një tërmet i fortë që u ndje në shumë qytete të Serbisë, Ministria e Punëve të Brendshme nxorri udhëzime se çfarë duhet bërë në rast tërmeti.
Sipas udhëzimeve të tyre, është e rëndësishme të mos bëni panik, të mos përpiqeni të arratiseni, por të zbrisni në dysheme, të përkuleni dhe të mbroni kokën.
“Qëndroni të qetë dhe të përmbajtur dhe mos e lini veten në panik. Kini parasysh se disa tërmete janë vetëm goditje fillestare dhe se një tjetër, më i fortë mund të vijë së shpejti” thonë ata.
Udhëzime për tërmetet nëse jeni Brenda shtëpisë
Sipas udhëzimeve, duhet të gjeni strehë në vende të sigurta në shtëpi si shtalkat e dyerve, muret mbajtëse, poshtë tavolinës…
“Qëndroni larg xhamit, dritareve, mureve dhe dyerve të jashtme, mos dilni në tarracë apo ballkon. Fikni menjëherë të gjitha burimet e energjisë elektrike, gazit dhe ujit” thonë ata.
Udhëzime për sjelljen gjatë një tërmeti nëse jeni jashtë
Sipas MPB-së, nëse e gjeni veten jashtë, është e rëndësishme të qëndroni larg dritave të rrugëve, kabllove elektrike dhe ndërtesave.
“Kujdesuni për objektet që mund të bien mbi ju, si oxhaqet, tjegullat, xhamat e thyer të dritareve dhe të ngjashme” shpjegojnë ata.
Udhëzime për sjellje nëse e gjeni veten nën rrënoja
Sipas udhëzimeve, nëse e gjeni veten nën rrënoja, është e rëndësishme të mos ndizni shkrepëse, por as të mos lëvizni.
“Mbuloni gojën me një shami ose leckë. Goditni një tub ose një mur që ekipet e shpëtimit t’ju gjejnë” thonë ata.
Udhëzime për sjelljen nëse jeni në një mjet në lëvizje
Sipas MPB-së, kur jeni në automjet në momentin e tërmetit, duhet të ndaleni nëse e lejon siguria në komunikacion.
“Shmangni ndalimin pranë ndërtesave, pemëve, mbikalimeve apo kabllove elektrike” shprehen ata.
