Sot në Serbi ishte dit me diell deri në 21°C, ndërsa sipas meteorologëve pritet që nga e premtja të ftohet.
“E mërkura do të jetë dita më e nxehtë në Serbi këtë javë. Për këtë periudhë të vitit pritet të mbajë mot kryesisht me diell dhe relativisht i ngrohtë, kohë pas kohe me vranësira mesatare. Do të fryjë erë juglindore, e cila do të jetë më e fortë në zonën e Koshavës, ndërsa herë pas here e fortë në jug të Banatit dhe në rajonin e Danubit. Temperatura maksimale do të jetë nga 17 deri në 21°C, në Beograd deri në 20°C” thotë meteorologu Gjorgje Gjuriq për “Blic”.
Ngricë në mëngjes, ngrohtë pasdite
Për shkak të motit të kthjellët, pritet një ndryshim dukshëm më i madh mes temperaturave të ditës dhe paradites.
Edhe ditën e enjte do të jetë e ngrohtë, por me vranësira pak më të mëdha dhe me temperaturë më të ulët. Temperatura maksimale do të jetë prej 15 deri në 20°C, në Beograd deri në 18°C.
Gjuriq pret që në fund të ditës në veriperëndim, ndërsa gjatë mbrëmjes, natës dhe të premten në mëngjes dhe në pjesë të tjera të Serbisë do të kalojë një front i ftohtë shumë i dobësuar, i cili në disa vende do të sjellë vetëm reshje të dobëta shiu, pa reshje të theksuara, por në të gjitha zonat do të ketë ftohje dhe erë juglindore do të jetë e kthyer nga veriperëndimi, me depërtim të një mase ajri më të freskët nga veriu.
Temperatura maksimale të premten do të jetë prej 12 deri në 18°C, në Beograd deri në 14°C.
Koha për vikend dhe festë
Të premten, më 11 nëntor, në ditën e armëpushimit, kur është ditë jopune, në Serbi do të ketë ndryshim të motit dhe parashikimi nuk do t’u pëlqejë atyre që kanë planifikuar ekskursione dhe udhëtime.
Edhe nëse qëndroni në qytetin tuaj, bëni një shëtitje me ombrellë dhe visheni me shtresa dhe rroba të ngrohta, sepse sipas njoftimit të meteorologut, atë ditë dhe gjatë fundjavës pritet mot i ndryshueshëm me vranësira, madje edhe të premten me reshje shiu dhe erë në disa vende.
