Çmimi më i ulët i kontrollit teknik me TVSH për veturat e pasagjerëve do të jetë së paku 3070 dinarë në të ardhmen, e më së shumti 6020 dinarë.
Kur bëhet fjalë për motoçikletat dhe traktorët, kontrolli teknik me TVSH është nga 2.120 deri në 4.120 dinarë, ndërsa për autobusët, kamionët e rëndë dhe rimorkiot nga 6.020 deri në 11.920 dinarë.
Këtë vendim e ka marrë sot Qeveria e Serbisë, më saktësisht ka miratuar Vendimin për përcaktimin e çmimit të kontrollit teknik të automjeteve, me të cilin janë përcaktuar çmimet më të ulëta dhe më të larta të kontrollit të rregullt vjetor teknik, si dhe çmimet më të larta të kontrollit të jashtëzakonshëm dhe kontrollin e inspektimit teknik.
