Ministri i Arsimit, Branko Ruzhiç, tha se të gjitha shkollat në Vranjë kanë kaluar në mësimin në distancë me rekomandimin e Sjtabit për Situata Emergjente të Vranjës.
Siç raporton RTS, numri i nxënësve dhe studentëve të infektuar në Serbi nuk është alarmues dhe shkollat nuk janë terren për përhapjen e virusit, ndërsa Ruzhiç përmendi Vranjen si përjashtimin e vetëm.
Siç tha ai, numrat në atë qytet janë alarmant dhe për shkak të kësaj, të gjitha shkollat kanë kaluar në mësim në ndistancë.
Sipas Juzhne vesti, për shkak të numrit vazhdimisht të madh të të infektuarve, Vranja do të vizitohet sot nga një ekip i veçantë mjekësor i Ministrisë së Shëndetësisë, dhe siç u njoftua, epidemiologu Branislav Tiodorović, përfaqësues të Institutit Batut, Ministrisë së Shëndetësisë, Qendrës shëndetësore, Instituti për Shëndetin Publik do të marrin pjesë në takimin për situatën aktuale epidemiologjike.
Të kujtojmë, sekretari krahinorë i shëndetësisë Zoran Gojkoviç, tha një ditë më parë se “diçka nuk po ndodh siç duhet” në Vranjë, dhe qëllimi i takimit është të shqyrtojë se cili është problemi dhe, nëse është e mundur, të arrihet një zgjidhje.
Të dhënat e fundit nga Shtabi për Situata Emergjente tregojnë se nga 546 të testuar në rrethin Pçinjës, 108 janë diagnostikuar me Covid-19 nga Vranja./Lajmi-AL/
