Qeveria e Kosovës dhe ajo e Republikës së Shqipërisë pritet të takohen të premten për të mbajtur mbledhjen e radhës mes këtyre dy qeverive.
Kjo u bë e ditur nga kryeministri i Republikës së Kosovës, Albin Kurti gjatë mbledhjes së qeverisë.
“Të premten do të mbahet mbledhja e dy qeverive Kosovës e Shqipërisë në Elbasan”, tha Kurti.
Ndryshe dy shtetet Kosova e Shqipëria takimin e mbledhjes së fundit e kishin vitin e kaluar në Tiranë. Ajo ishte mbledhja e gjashtë me radhë që nga viti 2014, kur ishte mbajtur takimi i parë.
