Logoja dhe emri i keqpërdorur i “Posta e Serbisë”, kompania shpjegon se si të mbroheni dhe të njihni e-mailet mashtruese.
Ndërmarrja Publike “Posta e Serbisë” është dashur të ndërhyjë pasi atyre iu raportua një rast i keqpërdorimit të logos dhe emrit të tyre për hir të një loje shpërblyese të rreme në të cilën përdoruesve u dërgohen informacione për të përmes rrjeteve sociale dhe në të cilën ata mund të fitojnë. 30.000 dinarë, ndërsa kompania përmes faqes së sajë në internet i informon qytetarët që të mos bien pre e këtij mashtrimi.
Siç shpjegohet në “lojën shpërblyese”, përdoruesit duhet t’i përgjigjen katër pyetjeve dhe pasi të kenë fituar çmimin, duhet të informojnë 20 miq ose disa grupe për të, të shkruajnë adresën e tyre dhe të kryejnë regjistrimin.
Me këtë rast ka reaguar urgjentisht Posta e Serbisë dhe ka dërguar një apel për qytetarët.
“Posta e Serbisë njofton qytetarët dhe përdoruesit se bëhet fjalë për një tentativë të re për mashtrim në formën e një loje shpërblyese false. Këshillojmë qytetarët që të jenë të kujdesshëm, të mos hapin lidhje dhe të mos i fusin të dhënat e tyre, dhe nëse marrin mesazhe me përmbajtje të ngjashme, të mos veprojnë ashtu siç u kërkohet” thuhet në komunikatën e tyre.
