Fshati i vogël, i cili aktualisht ka 240 banorë, është një nga shumë në Zvicër që ka përjetuar një eksod të madh banorësh në vitet e fundit.
Megjithëse ka shumë shtëpi në fshat, banorët, veçanërisht familjet më të reja, po largohen nga fshati. Vetëm vitin e fundit, tre familje me tetë fëmijë janë larguar nga fshati, kështu që qeveria lokale është detyruar të mbyllë shkollën e fshatit.
Fshatarët po kërkojnë që autoritetet lokale të bëjnë diçka për të rikthyer jetën në fshat dhe për të siguruar të ardhmen dhe mbijetesën e fshatit.
Plani i këshillit lokal është t’u japë familjeve ose individëve, të huaj, të cilët vendosin të blejnë ose ndërtojnë një shtëpi në Albinen, në kushte të caktuara, 25 mijë franga për çdo të rritur në familje dhe 10 mijë franga shtesë për fëmijë.
Një familje prej katër vetësh, sipas atij propozimi, do të merrte një bonus me vlerë 70 mijë franga zvicerane.
Por ka edhe kushte që duhet të plotësohen. Të rriturit duhet të jenë nën moshën 45 vjeç dhe të bien dakord të jetojnë në fshat për të paktën 10 vjet.
Të paktën 200 mijë franga duhet të investohen në blerjen ose ndërtimin e një shtëpie, dhe pasuria e paluajtshme duhet të jetë një shtëpi e përhershme, jo një vilë.
Ata marrin para nga autoritetet lokale të pakthyeshme, përveç nëse dikush vendos të largohet nga fshati para skadimit të periudhës dhjetë-vjeçare.
Autoritetet lokale janë të bindura se këto masa janë të arritshme për të gjithë.
“Është një investim në të ardhmen e fshatit,” shkruan gazeta lokale, duke shtuar se komuniteti do të përfitojë nga familjet e reja përmes taksave, kontratave për ndërtimin dhe blerjen e sendeve ushqimore dhe gjithçka që nevojitet në dyqanin e fshatit, ndërsa në të njëjtën kohë do të kthehet në fshat.
“Në rastin më të mirë, shkolla në fshat do të rihapet,” shtoi gazeta.
Albinen është një fshat i vendosur në 1,300 metra mbi nivelin e detit, me pamje nga Lugina e Rone.
