Në Çaçak dhe Kërçedin dje, si dhe ditët e kaluara edhe në rrafshinat e Novi Sadit dhe në vende të tjera të Serbisë, qytetarët patën mundësinë të shohin se si papritur, me paraqitjen e erës, u krijua një vorbull pluhuri, i cili kujtoi shumë njerëz në një tornado.
Mirëpo, siç shkruan Blic, bëhet fjalë për një fenomen krejtësisht tjetër të quajtur “Dust Devil”, që përkthehet si “Djalli i Shkretëtirës” sepse është një dukuri e shpeshtë në shkretëtira dhe vende ku ka rërë dhe pluhur.
Karakteristikë e këtij fenomeni është se është e kundërta e tornados, sepse tornadoja buron nga retë drejt tokës dhe ne jemi dëshmitarë të lëvizjes së diçkaje nga toka lart.
Pasoja është se pjesa e poshtme e atmosferës nxehet shumë dhe ajri i ngrohtë, i cili është më i lehtë sipas ligjeve të fizikës, ngrihet lart, duke sjellë një lëvizje rrotulluese dhe duket si një tornado, por nuk e ka forcën e tij dhe zgjat për një kohë të shkurtër. Vetëm pak pluhur ose rërë, dhe është zhdukur!
