Në Serbi sot ka qenë mot me vranësira dhe ftohtë, kohë pas kohe me borë, në rajone të ulëta vende-vende dhe me reshje të përziera – reshje shiu dhe bore.
Sipas parashikimit të Institutit Republikan Hidrometeorologjik, më shumë reshje priten në perëndim dhe jug të Serbisë.
Do të fryjë erë e lehtë dhe mesatare, në zonën e Koshavës dhe në male herë pas here e fortë, nga lindja dhe verilindja, e cila do të dobësohet. Temperatura më e ulët do të jetë nga -3 deri në 1 gradë, kurse më e larta nga 2 deri në 5 gradë.
Sipas parashikimit për shtatë ditët e ardhshme, deri të dielën, më 13 mars, do të mbajë mot i ftohtë për gjysmën e parë të marsit me ngrica të mëngjesit, temperatura ditore në shumicën e vendeve nga 2 deri në 4°C. Ditën e hënë me vranësira, kohë pas kohe me reshje bore dhe borë me rritje të mëtejshme të lartësisë së mbulesës së borës, në zonat më të ulëta vende-vende me reshje të përziera (shi dhe borë).
Nga e marta deri të enjten, me vranësira të pjesshme me ndryshim të intervaleve me diell dhe me paraqitje të shkurtër bore ose reshje lokale bore. Të premten dhe fundjavën kryesisht me diell, në lindje dhe juglindje herë pas here me vranësira mesatare.
