Tre serbët qe u kapen duke blerë uniforma dhe emblema të UÇK-së në Prishtinë kanë qëndruar dje gjatë ditës në Gjilan dhe me ta kanë qenë edhe dy shqiptarë, njëri nga ta është nga komuna e Gjilanit raporton 06 Press.
Mbrëmë është raportuar se Policia e Kosovës ka arrestuar tre shtetas serbë, D. Dolasevic, V. Jankovic dhe D. Dolasevic, të cilët kishin blerë emblema të UÇK-së në njërin nga lokalet e Prishtinës dhe ishin duke planifikuar blerjen e disa uniformave në një lokal tjetër në Prishtinë.
Burime brenda institucioneve të sigurisë tregojnë se përveç kësaj, të arrestuarve u janë gjetur edhe një shumë e konsiderueshme parash të gatshme, shkruajn mediat Kosovare.
Të njëjtat burime raportojnë se serbët së fundmi kanë përgatitur një plan për t’i realizuar disa video kinse disa ushtarë të veshur me uniforma të UÇK-së, janë gati për të marrë veriun e Kosovës.
Sipas këtyre burimeve, Serbia përmes kësaj taktike po planifikon që të jap pretekst para institucioneve ndërkombëtare për të ndërhyrë ushtarakisht, kinse për të mbrojtur shtetasit serbë të Republikës së Kosovës.
Serbët e arrestuar mbrëmë në këmbim të shtetësisë serbe, disa kosovarëve u kanë marrë të holla.
Por mësohet se njëri nga ta në këmbim të shtetësisë serbe, i ka kërkuar një qytetari kosovar që ta dërgojë në dy dyqane ku ka uniforma ushtarake. Në dyqanin e fundit ka blerë edhe emblemat e UÇK-së.
Tre shtetasit serbë kanë hyrë në Kosovë në pikë kalimin kufitar “Dheu i Bardhë”, në Gjilan, gjersa kanë lënë automjetin e tyre me targa të Nishit në Gjilan, në parkingun e INTEREX dhe kanë hipur në makinën e një qytetari shqiptar, i cili i ka sjellë në Prishtinë.
Në kryeqytet, janë takuar me kosovarin tjetër, të cilit ia kanë sjellë dokumentet serbe, dhe më pas kanë dalë për të blerë uniforma ushtarake.
Në orët e pasdites, pasi kanë blerë emblemat, Policia e Kosovës i ka ndaluar dhe i ka arrestuar të pesë të dyshuarit.
Tre shtetas të Serbisë nga Nishi dhe dy shtetas kosovarë, njeri nga komuna e Gjilanit dhe tjetri me banim në Prishtinë.
Të njëjtëve u është caktuar masa e paraburgimit për 48 orë.
