Kohët e fundit duhanpirësit janë befasuar shumë nga çmimet e reja të cigareve, pakoja është 10 dinarë më e shtrenjtë, e ata që deri më tani nuk e kanë ndryshuar çmimoren do ta bëjnë së shpejti.
Kështu, pakoja më e lirë do të kushtojë 290 dinarë dhe ajo më e shtrenjta do të kushtojë gati 600.
Arsyeja e rritjes është rritja e akcizës specifike për një dinar për paketë, kështu që shteti do të marrë 79,75 dinarë nga prodhuesit në këtë bazë në vend të 78,25 që ishte më parë.
Kjo është norma e paraparë me zgjidhjen e re ligjore, të miratuar në dhjetor të vitit të kaluar, sipas së cilës kjo tarifë shtetërore rritet për 1.5 dinarë dy herë në vit, në janar dhe korrik, deri në fund të vitit 2025.
Bashkë me të, mbi çmimin e cigareve vendoset edhe një akcizë proporcionale prej 33 për qind, e cila duhet të mbetet e pandryshuar për katër vitet e ardhshme.
Kësaj i shtohet edhe TVSH-ja, kështu që për shkak të rritjes së taksave shtetërore, prodhuesit do ta rrisin çmimin për 10 dinarë, prandaj kënaqësia më e lirë për duhanpirësit do të kushtojë 290 dinarë, dhe ata që duan duhanin më cilësor do të duhet të paguajnë 570 dinarë nga e xhepit.
Qëllimi i këtyre ndryshimeve është harmonizimi me standardet e BE-së, sipas të cilave deri në vitin 2025, në vend të 70-shit të tanishëm, shteti duhet të fitojë të paktën 90 euro për 1000 cigare, ose 1.8 euro për paketë.
