Lëngu seminal i një donatori që kishte një gjenom që shkakton kancer është përdorur për konceptimin e gati 200 fëmijëve, raportuan sot mediat britanike. Sipas hetimit të BBC-së, i cili është një nga mediat që morën pjesë në projekt, sperma me mutacion gjenetik është përdorur edhe në Serbi.
Donatori i spermës kishte një mutacion gjenetik…
Donatori, i cili nuk ishte i vetëdijshëm se po transmetonte një mutacion gjenetik që rrit ndjeshëm rrezikun nga kanceri, është bërë baba i të paktën 197 fëmijëve në mbarë Evropën, është zbuluar pas një hetimi, raporton BBC.
Disa nga fëmijët tashmë kanë vdekur, ndërsa vetëm një pakicë e atyre që kanë trashëguar mutacionin nuk do të zhvillojnë një sëmundje malinje gjatë jetës së tyre.
Banka Evropiane e Spermës e Danimarkës, e cila ka shitur spermën e këtij donatori, ka njoftuar se shpreh ngushëllimet më të thella për familjet e prekura dhe ka pranuar se sperma është përdorur në disa vende.
Sipas hetimit të BBC-së, është publikuar edhe një hartë e vendeve ku është shpërndarë sperma. Në atë hartë ndodhet edhe Serbia.
Gjithnjë sipas asaj që ka publikuar BBC, sperma me mutacion gjenetik është përdorur në:
- Serbi
- Irlandë
- Islandë
- Spanjë
- Gjeorgji
- Greqi
- Gjermani
- Maqedoninë e Veriut
- Shqipëri
- Hungari
