Të rinjtë në Serbi, si shumica e moshatarëve të tyre në Ballkan, jetojnë me prindërit edhe pas moshës tridhjetë vjeçare, tregojnë të dhënat dhe hulumtimet e ndryshme.
Ka shumë arsye, nga edukimi patriarkal e deri te konformiteti, por kryesorja është ende paraja. Vetëm 23 për qind e të rinjve kanë të ardhura mbi 80 mijë dinarë, të cilat, siç thonë ata, nuk mjaftojnë për shportën e tyre, faturat, qiranë apo këstet e kredisë. Të rinjtë në Serbi vlerësojnë se rroga e tyre është dyfish më e madhe se ajo, e cila mjafton për një jetë të qëndrueshme ekonomikisht, por një pagë të tillë nuk mund ta presin në fillim të karrierës. Një nga problemet është punësimi, sepse për punën e parë presin deri në dy vjet.
Statistikat thonë se, çdo i pesti i ri i punësuar ka të ardhura në masën e shportës minimale të konsumit, ndërsa çdo i dyti është në kërkim të një pune të parë prej më shumë se dy vitesh. Më shumë se 70 për qind e tyre nuk ishin as të regjistruar në Entin për punësim.
60 për qind e të rinjve nuk kanë të ardhura
Nga Organizata të Rininjët thonë se vetëm 23 për qind e të rinjve fitojnë më shumë se 80 mijë dinarë, ndërsa 60 për qind e të rinjve nuk fitojnë fare, që është arsyeja kryesore pse ata nuk mund të bëhen të pavarur. Domethënë, ndodh diku mes moshës 31 dhe 34 vjeç, që është shumë më vonë në krahasim me vendet perëndimore, ku mesatarja për pavarësi është 26 vjet.
- 32.5% e të rinjve të moshës 15 deri në 24 vjeç janë të papunë,
- 54% e të rinjve nuk janë të angazhuar në profesionin për të cilin janë arsimuar apo trajnuar
- 40% e të rinjve të moshës 16 deri në 24 vjeç jetojnë në rrezik të varfërisë dhe përjashtimit social,
- 31% e të rinjve marrin pjesë në aktivitete vullnetare.
