Do të ishte mirë që shtatori të pritej me një numër më të vogël të të infektuarve, gjë që nuk jam i sigurt se është e mundur duke pasur parasysh këtë trend të virusit. Por ne do të shohim. Kemi sfidë për muajin e ardhshëm, shkollat po fillojnë, popullata po kthehet masivisht në kolektivë dhe kjo hap hapësirë për infeksion, thotë për “Blic” Prof. Dr. Branislav Tiodoroviq, epidemiolog dhe anëtar i Shtabit të Krizave.
Së bashku me Ministrinë e Arsimit, brenda shtatë deri në 10 ditë do të shqyrtojmë situatën në lidhje me fillimin e shkollës dhe do të propozojmë zgjidhjen më të mirë. Sa i përket masave, nëse shifrat janë të larta dhe rritet numri i të shtruarve, mund të na duhet të kthejmë masën që lidhet me mbajtjen e maskave në ambiente të mbyllura, gjë që disa vende e kanë bërë tashmë, shton Prof. Tiodorovic.
Për sa i përket statistikave ditore, ne kemi tejkaluar shifrën e 6000 të infektuarve në ditë, ndërsa në spitale janë pak më pak se 700 persona. Siç shpjegon profesori, parashikimet po lëviznin në drejtimin që në gusht do të arrijmë në të ashtuquajturën majë, ose do të rrafshojmë, por shifrat ende ndryshojnë, kështu që nuk është e mundur të parashikohet saktësisht se kur numrat do të ndalojnë së rrituri.
